Dayar-e-Ghair

Yeh Dayar-e-Ghair Hai Aisa,
Hasraton Ko Dabaye Rakhta Hai....

Mere Bachchon Ka Khayal Mujhe,
Raat Bhar Jagaye-Jagaye Rakhta Hai...

Main Iski Is Ada Se Waqif Tha Par Nadan Tha,
Yeh Daulat Ke Badley Mujhe Tadpaye Rakhta Hai....

Dayar-e-Ghair Se Aane Walon Ke Intezaar Mein,
Dayar Ka Har Shakhsh Ankhein Dar Par Lagaye Rakhta Hai...

Khushiy-e-Aamad

Unki Aamad Mein Istarah Huin Ankhein Nam,
Jaise Giri Hon Khushk Pattiyon Par Shabnam..

Mauqa-e-Eid

Tab Badi Mahbooba Mahboob Hoti Hai,
Jab Kabhi Woh Bayeed-Bayeed Hoti Hai,
Milne Ka Mauqa Jab Mayassar Hota Hai,
Tab Nausha Dono Ki Eid-Eid Hoti Hai....

Ummeed-e-Mahboob

Maine Ummeed Ka Diya Abtak Jala Rakha Hai,
Log Kahte Hain Ki Teri Ummeed Mein Kya Rakha Hai...

Tere Sitam Humein Jaan Se Bhi Pyare Lage,
Tera Har Zakhm Seene Se Laga Rakha Hai...

Lamhat Guzare The Jo Sang Tere,
Sahare Unhi Ke Dil Ko Bahla Rakha Hai...

Tere Deed Mein Farsh-e-Rah Kiye Huye Hain,
Sada Muntazir Ankhon Ko Khula Rakha Hai....

Kisse Unke Sunate Huye Nahin Thakte Hum,
Ek Woh Hain Ke Haal-e-dil Chhupa Rakha Hai...

Hal-e-dil Bhi Kabhi Na Puchha Unhone Naushad,
Jinki Muhabbat Ko Humne Dil Mein Basa Rakha Hai...

Mushkil-e-Judai

Bin Balam Ke Jeena Utna Hi Dushwar Hota Hai,
Jitna Mushkil Harkat-e-Kashti Bin Patwar Hota Hai....

Alam-e-Balam

Hota Hai...Han Hota Hai,
Dil Mein Alam...
Jab Hota Hai Juda,
Apna Balam....

Tamanna-e-Maafi

Hoke Main Tujhse Juda,
Bahut Roya Aye Huda,
Hoon Bahut Sharmsar Main,
Karde Maaf Mujhe Aye Khuda....

Arzoo-e-Dil

Ek arzoo hai poori perwerdigaar kare,

Mujh gareeb ka bhi khuda beda paar kare,

Ek arzoo hai....................................................!

Apni rehmato barkato se wo hamen nawaze,

hamari khataon ko der-kinaar kare,

Ek arzoo hai....................................................!

Her bala se bachaye her burai se door rakhe,

Dushman ko hamesha sharmsaar kare,

Ek arzoo hai....................................................!

Nikah me paak saleh shareekh-e-hayyat dena,

Jo teri ibadat guzaar or hame beshumaar pyar kare,

Ek arzoo hai....................................................!

Dena paak saleh neik aulad hame,

Jo apne hamare neik sapno ko sakaar kare,

Ek arzoo hai....................................................!

Khawahish-E-Yaar

Nazr-e-Inayat Agar Hojayein Apki,
Mere Hum-Hum Sanwar-Sanwar Jayenge....

Apni Wafaon, Jafaon, Duwaon Par Yaqeen Hai Humein,
Mere Hum-Hum Apke Dil Mein Ekdin Utar Utar Jayenge...

Na Poochhoge Agar Har Roz Haal Hamara,

Mere Hum-Hum Bikhar-Bikhar Jayenge.....

Jab Tanhaiyan Tumhe Satayein Hamein Zara Soch Lena,
Naushad Door Hote Hue Bhi, Paas Nazar-Nazar Ayenge...

Rudad-e-Maazi

Aaj Bhi Hum Bhi Chupke-Chupke Aansu Bahane Lagte Hain,
Jab Gurbat Ke Woh Lamhe Yaad Aane Lagte Hain....

Hum Kya Hain Hum Khud Ko Bhul Jate Hain,
Jab Auron Ke Gham Sunnne Lagte Hain...

Meri Rahon Ke Khar Aksar Ankhon Se Ojhal Rahte Hain,
Jo Guzarte Hain, Ek Ke Baad Ek Chubhne Lagte Hain....

Auqat Bhi Na Bhula Paye Hain Aaj Talak Hum Apni,
Aaj Bhi Daman Mein Khud Peband Lagane Lagte Hain....

Woh Barsaat Ka Mausam, Woh Tapakti Chhat Bhi Na Bhule,
Aaj Bhi Jab Badal Garajte Hain, Naushad Dua Maang Lete Hain...

Guzarish-e-ShukraGuzar

Ai Khuda Yaad Rahe Tu Sada Har Kaam Mein Madadgar Rahe,

Yeh Banda jahan Bhi Rahe Jis Haal Mein Tera ShukarGuzar Rahe.....